Dathlu Creadigrwydd Pobl Hŷn

Croeso

Mae gwanwyn, yn dathlu henaint fel cyfle i adnewyddu, i dyfu ac i fod yn greadigol.

Ein nod yw rhoi cyfle i bobl hŷn gyfrannu at y celfyddydau, fel drama, hel straeon, cerddoriaeth, llenyddiaeth, ffotograffiaeth, dawns, ffilm neu’r celfyddydau gweledol.

Cynhaliwyd gŵyl gyntaf gwanwyn ym mis Mai 2007. Cymerodd cannoedd o bobl hŷn ran mewn 125 a mwy o ddigwyddiadau a gweithgareddau arbennig mewn 60 a mwy o leoliadau ledled Cymru. Dysgwyd llawer o sgiliau newydd a daeth llu o ddoniau cudd i’r amlwg - y cwbl wrth fwynhau gweithgaredd creadigol a chyfarfod ā phobl newydd a diddorol yn aml. Cliciwch yma i weld uchafbwyntiau’r ŵyl neu ewch i’n oriel i weld rhywfaint o waith celf gwych pobl hŷn.

Wrth gwrs, mae llawer o’r bobl, grwpiau a sefydliadau sy’n trefnu sesiynau blasu ar gyfer gŵyl gwanwyn yn gwneud hynny’n barhaus felly mae digon o gyfleoedd i gymryd rhan yn greadigol gydol y flwyddyn. Cliciwch yma i gael gwybod mwy.

Efallai eich bod chi am drefnu gweithgareddau creadigol i bobl hŷn – mae’n brofiad pleserus a gwerth chweil. Cliciwch yma am fwy o wybodaeth am adnoddau, cyllid a chymorth a all fod ar gael i’ch helpu.

Mae trefniadau eisoes ar y gweill i sicrhau y bydd gŵyl gwanwyn 2008 yn well a mwy fyth, felly gwnewch yn siŵr eich bod yn bwrw golwg ar y wefan hon yn gyson i gael y wybodaeth a’r newyddion diweddaraf. Ein bwriad yw cael cymaint ā phosibl o bobl hŷn i fwynhau bod yn greadigol, naill ai fel cyfrannwr neu aelod o’r gynulleidfa, gyda mwy o ddigwyddiadau’n cael eu cynnal mewn mwy o leoliadau ledled Cymru.

Os hoffech chi fwy o wybodaeth am sut i gymryd rhan a datblygu’ch dawn greadigol, neu os ydych yn gwybod am unrhyw ddigwyddiadau neu weithgareddau y dylid eu cynnwys yn ein hamserlen, cysylltwch ā ni.

"Mae pob plentyn yn arlunydd. Yr anhawster yw sut i barhau’n arlunydd wedi i ni dyfu" - Pablo Picasso